最近中銀有一則電視廣告，講一位即將為人父嘅男人，諗緊囡囡日後生活上嘅點滴：亭亭玉立、積極進取、活潑好動、細時嘅奀皮‥‥‥好有感覺，因為我哋嘅家庭，亦已從二人世界，變成三人行。

我等緊您呀！期待着與您嘅團「聚」！

點解要將個「聚」字加上引號？因為係呢一刻「聚」字，真係好特別、有着期盼！

等緊秋天快啲到！

而家爭秋奪暑，太陽底下，高溫令到我溶啦，每日已經唔單止係汗流浹背，簡直好似開咗一個壞嘅水喉，啲汗水只有不停咁流，但就閂唔到水喉，每朝早行出間冷氣睡房，唔駛半句鐘，就已經成頭大汗，汗珠由頭頂直流，成件衫已濕透，仲有陣陣臭汗味！

慳家係好。但係如果慳家好似下面呢個人物咁，你又會點睇？

您好嗎？而家先至感到一份很實在嘅感覺、很奇妙、亦很神奇！

一則真人真事嘅辦公室笑話：

話說有一位好鬼惡嘅阿四，惡到可以鬧老闆、發老闆脾氣，勁到經常口講要辭職，但仍然面皮厚嘅繼續留係老闆身邊。

你會問點樣惡法？

簡單舉一個實例：阿四同老闆匯報工作進度，講到某一件事，兩個人意見不合，（其實好正常啫！）就會好似火星撞地球，互相勁片，跟住阿四會彈返埋位，但條氣唔順，再走返去老闆房門口，企喺門口再鬧過，然後再返埋位，自己係嗰位到再發脾氣。

但未完呀！因為老闆條氣都唔順，老闆再行埋嚟阿四嗰位，但距離五十米位置，直斥阿四：「又話辭職，但你仲唔走」；阿四即刻駁火：「你都未俾埋啲人工我！」

「一次不中‧百次不用」，呢句說話係任何場合都算幾合適嘅評價。

舉例：情侶/夫妻/朋友之間，如果有一方向另一方講過一次謊言，就已經被另一方質疑：「佢係咪又呃我呢？」

同樣，係上司面前，你被發覺做錯一次嘅話，以後你都係一隻「黑豬」，因為別人只會記住你做錯事，而唔會記得你都可以係得嘅、都做到嘢‥‥‥總之一句講哂：「永不超生！」

成日聽人講，人大咗，會更怕死？我唔。但我只知道人大咗，係飲食方面，更加追求健康元素。

細嗰時候，見到甜食就不得了，簡直係要大口大口，慌死會執輸，好似飲蜜糖，媽咪只加一湯匙蜜糖去沖水，但自己永遠乞求要多啲啦，甜啲好味啲；好似飲何華田，何華田粉佔大半杯；好似食花生醬煉奶面包，花生醬就會搽到厚厚一層，煉奶呢，就搽到漏哂出嚟；蜜牙糖餅乾，嘩，不得了，一盒蜜牙糖，唔駛三、兩日食埋，當然跟住被媽咪鬧，話以後都唔買俾你，咁快食完‥‥‥總之，就係嗜甜如命。

再大少少，就鍾意食煎炸熱氣香口嘅、汽水、雪糕‥‥‥統統都係致肥零食，結果食零食當食正餐，好彩係發育期未有導致癡肥後果。

而家開始體會一種新感受、開始學習適應另一種階段，好攰好攰，總之一有時間都想瞓吓覺：其實，呢啲感覺只係開始，往後會係點樣？唔知道。

雖然身邊有至親、朋友、甚至有專業人士可以請教，但佢哋嘅意見，統統都只係參考，真正感受緊嘅人係我，而佢哋嘅「過來人」感受、經驗係佢哋獨家嘅，未必代表會係我身上同樣發生，目前唯有邊學邊問。

幸慶迎接進入新嘅階段，都係預期之內，至少係心理上都算係有準備，未有殺過操手不及，但身理上仍係適應緊吓，希望呢種適應期能快啲回復正常吧。

環保生活，係咪淨係少用膠袋、少製造垃圾、少用化學物品‥‥‥就已足夠呢？

我覺得應該仲要減少製造「噪音」，最常聽到嘅噪音：

好似開住架改裝引擎嘅車，係紅綠燈前開大引擎，好似要話俾你啲人知睇吓我幾巴閉正車嚟㗎；

又好似搭巴士咁，明知係坐緊公共交通工具，唔係私家車，人多時候，仲會有肌膚掂撞，跟住就發啲「唧唧聲」，其實明話俾隔鄰位人知「你掂到我啦，好彈開啦」；

又好似排隊㩒錢，有啲人會係ATM處理轉賬、交數，做好多嘢，遇着後面啲唔耐煩嘅人，又會發出唔耐煩嘅聲音；

搭商場電梯，有唔同嘅人就唔同需要而去唔同樓層，自然就有機會層層停，但遇着有啲人要去高樓，又唔耐煩要部lift層層停，就嗡嗡聲話：「真係煩，阻住哂」‥‥‥