張永霖 + 王維基、倪震 + 周慧敏，兩單新聞簡直係不知所謂！
張永霖 + 王維基組合講過多次，唔講（http://ckmcar.mysinablog.com/index.php?op=ViewArticle&articleId=1486348）。
倪震 + 周慧敏，都唔知係咩嚟？？？
倪震嘅花弗、溝女形象，根本不容接受，記得曾經佢同趙國華、梁繼璋做過一個電台節目，我有聽過呀，只係節目裏面專教人點樣識女，無聊得很，但又有好多年輕男女打電話、寫信入去俾佢哋請教。
隨後好多關於呢位少爺兵嘅花邊新聞。問我呀？呢類一定唔會吸引我！
周慧敏，究竟係邊類人呢？係咪應該受保護瀕危絕種嘅動物？？？記得讀緊中學時，已經開始聽佢同埋黃凱芹等DJ做嘅「青春交響曲」電台節目，當時呢個電台節目好受歡迎，好幾位中學同學都話鍾意聽㗎。
問我？我會鍾意聽周慧敏做電台節目多過聽佢啲歌，埋白講佢啲歌唔係適合我，（可能得罪咗好多周慧敏啲粉絲！）但做電台節目，佢同黃凱芹幾夾。
不過，係近期佢哋單新聞（http://ckmcar.mysinablog.com/index.php?op=ViewArticle&articleId=1474378），真係唔知佢係蠢抑或係盲？或者已係死心塌地？？？
