匯豐控股，即係5號仔，係擒日競價時段被壓，暴插至14年嚟新低價$33。
真係無諗到5號仔會有今日？從匯豐公布淨利下跌七成，要供股集資，簡直好似跌緊去一個深黑嘅深谷，究竟幾時先至見天日？
$33，可以買到啲咩、做到啲咩？
可以食到一個麥記套餐，仲有幾蚊找番；可以食茶餐廳嘅兩個早餐或者一個午餐或者一個下午茶餐，晚餐似乎唔多夠；係成衣出口店，都仲可以買到件BB衫，但就唔夠買件大人着嘅；或者去馬會買張$20六合彩，博個頭獎獎金‥‥‥
但唔夠入戲院睇場早場；唔夠BOOK場打羽毛球‥‥‥
獅子銀行，陪我長大，兒時嘅第一本銀行簿仔，都係佢㗎！
估唔到從美國經濟舊年開始下滑、爆煲，5號仔亦跟住沉落去、落得如此下場，心情都沉重。
今次嘅環球經濟暴插，係經濟一體化下，人人都每一幸免，但願只求自己能力保工作，一切一切嘅價位上落與我何干！
