朋友，
知道您近日唔開心、十分擔憂，因為您生命中最重要嘅人，正努力爭扎，挑戰病魔。但請您唔好忘記，您自己嘅身體亦需要照顧，倘若您亦捱壞身體，將來會邊個照顧佢呢！
明白您嘅心情，隔住玻璃窗，望住幼小嘅佢，獨個兒撐住，而您只能站在雖近但遠嘅位置，觀望着佢，無法保護佢，嗰份心情無疑係十分難過。但請您暫時將佢交俾專業嘅醫護人員吧！
雖然現刻您同佢嘅肢體距離係遠離咗，但心靈上，您同佢早已相連着，佢係感覺到您正係身旁支持緊佢。
雖然今日幼小嘅佢承受着一啲苦難，努力翻過一個一個難關，但大家都知道佢係上天賜予您嘅天使，小天使係十分堅強，佢已獲得庇佑、大家嘅祝禱，相信小天使會好快投入您嘅懷抱、感受您嘅愛護。
朋友呀，此時您先爭取時間，好好休息，好好養好身體，您要準備好一切，才能有健康嘅體魄，等着好好陪伴您嘅小天使，享受您俩將來嘅每分每秒歡樂愉快嘅時光。
關心您嘅朋友
