「一次不中‧百次不用」，呢句說話係任何場合都算幾合適嘅評價。
舉例：情侶/夫妻/朋友之間，如果有一方向另一方講過一次謊言，就已經被另一方質疑：「佢係咪又呃我呢？」
同樣，係上司面前，你被發覺做錯一次嘅話，以後你都係一隻「黑豬」，因為別人只會記住你做錯事，而唔會記得你都可以係得嘅、都做到嘢‥‥‥總之一句講哂：「永不超生！」
或者，面對呢種情形下，都應該係時候諗諗「走」呢個問題，因為「一次不中‧百次不用」，根本無機會翻生，就算有得升職、加人工，都唔到你啦，無用之武，何必要久留？
朋友，假設你遇到咁嘅環境，你會點做？
如果係我，我仲要考慮其他因素：好似本身你有冇事業野心，因為你無野心，去到邊情形都係一樣，只要老細一日唔炒你，你何必要走呢？
又好似會考慮出面風大雨大，你要轉工，咪要重新適應新工作環境，隨時又墮入另一次嘅「一次不中」喎！
仲有會比較而家公司嘅僱員福利、人工係咪都幾好，如果係，我就會睇錢份上，打住呢份工先，唔會急於一時，對嗎？
