您好嗎？而家先至感到一份很實在嘅感覺、很奇妙、亦很神奇！
同您距離一直都好似很遠但又好似很近。開始時，知道您嘅出現，很高興，因為終於來臨。
但跟住會又覺得知道又如何？仍未能真正感覺到您，一切又似係疑幻疑真，唔實在。
終於有一日透過影像，第一次見到一個細細嘅、模糊嘅影像，原來係您！感覺很特別！
同時，亦開始感受到因為您而所起嘅變化，幸好仍能接受到。日子一日一日咁過，您嘅出現令我哋生活亦起着微妙改變，幸好都係一啲正面影響。
直到近期，終於有互動感覺、有溝通啦！您好似想話俾我知，您嘅一切，包括喜好；而我都知道，您亦感受到我嘅喜怒哀樂。
而家您我相隔一塊肚皮，但唔緊要我知道好快，您會真真正正係我面前出現。我等您，親愛的！
