香港新浪網 MySinaBlog
« 上一篇 |
car | 22nd Jul 2010, 17:25 PM | 港事講非 | (64 Reads)

生時,儲一筆首期買層單位,都咁難,時時都希望自己能夠有幸中一期六合彩頭獎,幫補吓去買一處有瓦有牆嘅小單位,安居吓。原來係香港呢處彈丸之地,死都好貴,隨時一呎骨灰龕位仲要貴過一呎住屋單位。

特首曾陰權擒日好勞氣,話應該十八區區議會都要搵地出嚟做骨灰龕,初時聽落都好啱,但諗諗吓點解呢啲規劃唔先由政府做大綱藍圖,而係由區議會負責㗎?!特首又卸膊啦!

 

經歷咗咁耐,係人都知,要諮詢市民關於點解要係自己住緊嗰區建骨灰龕,而唔係隔鄰區,完全係一件非常困難嘅事,因為人係私自嘅,冇人會想打開隻窗,望出去係啲骨灰龕景。所以過去政府官員落區做呢啲諮詢,總係得嚟一鼻子灰。

呢次特首公開話十八區區議會負責搵地方出嚟,直頭係卸責落去。

其實睇番外國,好多地方做呢啲骨灰龕位,真係建得好靚,簡直吸引遊客去參觀影相㖭!點解我哋政府官員唔去參考吓,甚至抄吓橋呢?

之前政改方案,政府已差啲搞到一鍋粥,而家就連屬民生問題,都唔多願意負責任;睇嚟呢位特首真係準備自己「起錨」,卸得就卸!