文章分類: 港事講非 (CAR「字頭」部落)

$33，買到咩？

ckmcar — Tue, 10 Mar 2009 11:27:21 +0800

匯豐控股，即係5號仔，係擒日競價時段被壓，暴插至14年嚟新低價$33。

真係無諗到5號仔會有今日？從匯豐公布淨利下跌七成，要供股集資，簡直好似跌緊去一個深黑嘅深谷，究竟幾時先至見天日？

$33，可以買到啲咩、做到啲咩？

可以食到一個麥記套餐，仲有幾蚊找番；可以食茶餐廳嘅兩個早餐或者一個午餐或者一個下午茶餐，晚餐似乎唔多夠；係成衣出口店，都仲可以買到件BB衫，但就唔夠買件大人着嘅；或者去馬會買張$20六合彩，博個頭獎獎金‥‥‥

但唔夠入戲院睇場早場；唔夠BOOK場打羽毛球‥‥‥

(閱讀全文)

‧‧‧一場騷啫

ckmcar — Sat, 14 Feb 2009 20:41:58 +0800

近日睇新聞，唔係呢間裁員，就係嗰間減薪，裁裁裁‥‥此起彼落，好似話俾大家：金融風暴下，人人自危，隨時下一個係你。（touch wood）

要點做去自保？

最簡單係，收一萬蚊人工，就唔好只係交一萬蚊嘅功夫，仲之交得越多功夫，越顯示你係公司嘅價值。同埋，交貨準時係最基本嘅，一定要交啲靚貨、交啲正嘢。

但回顧番我哋政府，高官交貨跟本同人工，唔係成正比，點解啲高官唔減薪？

財爺曾俊華今午係一個場合上被問及特道同高官人工咁高，不如考慮減薪，曾俊華回應，高官減薪能慳番嘅數目，相對政府開支，只係一個小數目，對財政起唔到咩作用。

(閱讀全文)

大開倉

ckmcar — Sun, 11 Jan 2009 11:51:03 +0800

08年尾金融海嘯、09年頭聲稱賀新年，開倉已經成行成市，無論係衣服鞋履、抑或係家居用品、家電產品，各種品牌、連鎖店都紛紛打着開倉名義，實行係要錢唔要貨。

自己因應工作地點之故，經常亦係街頭見到啲人派傳單，寫明邊度邊度開倉、全場貨品一折起。

同一件貨，開倉前買到幾百蚊，開倉期可以降到用一折發售，好似同一件名牌子外套，係大型商場裏面賣緊幾千蚊，開倉期，可以唔駛三舊水就買到，中間嘅折算、真係慳番唔少，再用慳到嘅錢，又可以買多好幾件其他配飾、配襯衣物。

(閱讀全文)

「無事搵事做」

ckmcar — Fri, 09 Jan 2009 10:57:35 +0800

全港中學教學語言又起變動，行咗十年嘅中文中學、英文中學，無形被結束喇！改為走「彈性班」，簡單嚟講，容許成續好嘅，可以彈性分科目、分組、分時段去開英文班。

被政府搞到一頭煙，彈性班，咩嚟？「彈弓手」就知係咩，係一種手部勞損嘅毛病，主因都係經常重覆做同一組動作，例如扭動毛巾，我隻右手手指公骹位，就出現勞損毛病，試過可以因為手指公無法用力，右手便無法使用，要做物理治療。

記得我哋讀中學時期嘅教學政策夠簡單。

(閱讀全文)

無謂呀！

ckmcar — Tue, 23 Dec 2008 12:03:07 +0800

張永霖 + 王維基、倪震 + 周慧敏，兩單新聞簡直係不知所謂！

(閱讀全文)

大結局

ckmcar — Wed, 17 Dec 2008 21:47:53 +0800

王維基係由張永霖請番嚟做亞記行政總裁，唔怪得張永霖突然宣布王維基嘅辭職，就連亞記董事都要睇新聞先至知請咗人、又炒埋人。

而王維基唔係突然辭職，只係被人炒魷魚！

唔知亞記人事部係咪要即日處理王維基嘅入職資料、兼埋辭職安排？有冇人知？？？

原來「青樓名妓」唔止名妓咁簡單！仲可能係電視史上最出色嘅編導！！！

(閱讀全文)

又一則分手新聞

ckmcar — Mon, 15 Dec 2008 16:31:54 +0800

啱啱十二日，新聞報導「魔童」王維基今午辭任亞洲電視行政總裁！

係咪亞記真係無得救？連「魔童」都無計要走頭！無記係咪可以放下心頭石？就此繼續穩做免費電視嘅一哥？！剩低「青樓名妓」，佢又會唔會走？或是係自己獨挑大樑？！定抑或係「魔童」同「青樓名妓」嘅首場戲？！亞記請「魔童」，佢嘅首要任務係炒人，跟住一招打完齋唔要和尚，兜埋「魔童」？？？

就係今晩亞記人事變動，竟然出現峰迴路轉嘅情節，「魔童」發表聲明：話自己無請辭！

吓#@%

究竟件事係點呀？

睇怕都要下回分解。

(閱讀全文)

魔童加青樓名妓

ckmcar — Fri, 05 Dec 2008 10:10:09 +0800

亞洲電視（ATV）高層大改變！電訊界冠以「魔童」嘅王維基、搭上自喻「青樓名妓」嘅張永霖，被邀請出任亞視高層，執掌生殺大權，揚言要用幾個月（三個月？）時間改變一直死氣沉沉、收視率低、兼蝕大錢嘅亞洲電視。

姑勿論，幾個月後嘅亞記會變成點樣？但可以講句呢兩位最高管理層嘅出任，絕對已經勝過亞記嘅藝員，無論曝光、知名度，兩位高層已經夠勁，亞記啲所謂姐仔、哥仔，都要行埋一邊。

至於被冠以「魔童」嘅王維基，創意驚喜計仔多籮籮，會唔會將電訊溝埋電視，一齊做？未知；但可以肯定係會有新嘢睇。翻睇「魔童」歷史創舉，帶領城電殺入IDD，咪已經幫香港市民調低咗好多收費囉！

(閱讀全文)

「十個救火的少年」

ckmcar — Wed, 08 Oct 2008 17:46:27 +0800

自由黨從今屆立法會選舉失利後，開始引起連串內鬨，有留意開政治新聞嘅朋友，都可能會感覺到自由黨似乎陷入谷底。

加埋今午一個消息：再有三個自由黨立法會議員宣布退黨。一時之間，我都心情一沉、有啲down，無法用言詞去形容；但係腦海中卻閃出一首歌：「十個救火的少年」。

而家剩低嘅、代表自由黨嘅、立法會議員真係唔知點樣撐落去？！點樣係呢四年裡面捱落去？？？四年後立法會選舉，究竟仲有無代表自由黨嘅人去參加呢？

(閱讀全文)

排隊——為咩？

ckmcar — Tue, 15 Jul 2008 14:17:52 +0800

究竟香港幾時開始有排隊文化？

喺我記憶裏面，最深印象應該係居英權嘅排隊打交事件啦！香港回歸前，香港人趕住走，嗱嗱臨快啲去排隊申請番本BNO，叫做攞番嗰居英資格；其中一個經典畫面係一個阿伯同幾個男人打埋一堆，互相指罵，邊個邊個打尖，拳來拳往，你用報紙我出傘，打到頭破血流。

當時啲人驚住香港回歸後實係死梗，有錢嘅、無錢嘅，都趕住去攞番本簿仔；但到今日呢本簿仔，你擺咗係邊度？

除咗居英權嘅經典排隊晝面，都應該仲有係書展同漫畫展、跟住係名牌子大減價、再到奧運紀念鈔‥‥‥

(閱讀全文)

有錢都唔分俾下一代

ckmcar — Tue, 27 May 2008 17:11:08 +0800

如果第時有錢嘅話，係臨終前，一定會立一份遺囑，指明一毫子（包括所有動產同不動產嘅）都唔會分俾啲子孫，全部捐哂出去。

有眼睇，從以前到而家，靠父蔭嘅都唔夠靠自己雙手努力嘅好。

今日郭氏家族三兄弟嘅不和，統統將家醜外揚，極度透明。

所以訂立好，寧願盡自己最大能力去養仔女，俾最好嘅去栽培佢哋，就咪駛會留錢俾佢哋，家訓有話：自己靠自己啦！

公德之三

ckmcar — Sun, 25 May 2008 22:42:45 +0800

已經係架車度講：「有無搞錯，啲人咁無衛心，隨處吐痰」，相信其他乘客都聽到，但真係有啲人「借咗龍耳陳隻耳」當咩到聽唔到，繼續做啲唔衛生行為！

今日係架巴士上層正正遇到啲咁嘅人！

(閱讀全文)

四川：加油、撐住！

ckmcar — Mon, 19 May 2008 15:10:33 +0800

係經濟上，只能做到嘅係捐款；係精神上，只係默默祝福同支持。

多謝跑係最前線嘅傳媒，將一切畫面轉到我哋嘅電視畫面上，俾我哋睇到災情嘅一切。

由大地震發生到今日，每日睇新聞，眼淚都自然係咁流出嚟，真係悲傷：災民、倖存者雖獲救，但亦要面對缺水、缺糧、失去摯友親人嘅痛，甚至疾病；仍喺到待救嘅人，生死未卜；前往救援嘅同胞，亦可能會面對潛伏嘅餘震、泥石流、山洪瀑發等種種危險‥‥‥仲有前線嘅記者——都係叫我哋擔心佢哋嘅安危。

(閱讀全文)

四川汶川縣大地震

ckmcar — Tue, 13 May 2008 11:45:30 +0800

四川洨川縣7.8級大地震（修訂為8級），相信死傷人數將會持續，心情都受到影響，有啲down：但慶幸自己活到呢一刻，暫未曾遇到任何天災人禍，真係感恩！

其實唔係去想，但真係令人聯想起1976年唐山發生同樣級數嘅大地震。當年唐山大地震事件，都喺係讀中學課本裏某一章節內容，先至得悉呢件不幸事。隨後，好似約兩年前，睇一個時事節目，追蹤當年生還者嘅訪問片段，又再知多啲關於當年唐山大地震裏面嘅事由同埋後話。

記得唐山大地震發，地震局重組，希望強化功能，希望做到預警，但當下嘅四川汶川縣大地震，又一次被人詬病、質疑究竟地震局做緊啲咩嘢？發緊夢？後知後覺！

(閱讀全文)

I AM READY too

ckmcar — Wed, 30 Apr 2008 11:46:05 +0800

揭盅啦~

火炬手嘅名單公開啦，只係橫睇豎睇，都係睇唔到好似港協暨奧委會會長霍震霆所講嘅「社會嘅縮影」。

要做到「社會嘅縮影」，係應該包哂各階層人士嘅代表。

係呢份120人名單中，邊個會代表「草根基層」？「藍領階層」去咗邊？仲有「師奶」代表？邊個又會係「乞丐」代表？仲有「clerk」、「sales」‥‥‥好多好多唔同階層、行業嘅代表，統統都唔係名單上面可以搵到喎！

(閱讀全文)